اسلام آباد۔18مئی(اے پی پی):پاکستان اقوام متحدہ دے خصوصی نمائندے اقلیتی امور ڈاکٹر فرنینڈ ڈی ویرنس دے بھارت دے غیر قانونی طور تے زیر قبضہ جموں و کشمیر دی صورتحال تے ݙتے ڳئے اہم بیان دا خیرمقدم کیتے۔ دفتر خارجہ دی ترجمان ممتاز زہرہ بلوچ پریس بریفنگ اچ آکھیے اقوام متحدہ دے خصوصی نمائندے بیان اچ سری نگراچ جی ٹونٹی ٹورازم ورکنگ گروپ دے اجلاس دے انعقاد دے بھارتی منصوبیں …
پاکستان دا اقوام متحدہ دے خصوصی نمائندے ڈاکٹر فرنینڈ ڈی ویرنس دے بھارت دے غیر قانونی طور زیر قبضہ جموں و کشمیر دی صورتحال تے ݙتے ڳئے اہم بیان دا خیرمقدم
مزید خبراں
اسلام آباد۔18مئی(اے پی پی):پاکستان اقوام متحدہ دے خصوصی نمائندے اقلیتی امور ڈاکٹر فرنینڈ ڈی ویرنس دے بھارت دے غیر قانونی طور تے زیر قبضہ جموں و کشمیر دی صورتحال تے ݙتے ڳئے اہم بیان دا خیرمقدم کیتے۔ دفتر خارجہ دی ترجمان ممتاز زہرہ بلوچ پریس بریفنگ اچ آکھیے اقوام متحدہ دے خصوصی نمائندے بیان اچ سری نگراچ جی ٹونٹی ٹورازم ورکنگ گروپ دے اجلاس دے انعقاد دے بھارتی منصوبیں بارے خبردار کیتے۔ ترجمان واضح کیتے جو ڈاکٹر فرنینڈ ڈی ویرنس آکھیے بھارت ھک ایجھے ویلھے کشمیردی صورتحال کوں معمول دے مطابق قرار ݙیندا پئے جݙاں مقبوضہ علاقہ اچ انسانی حقوق دی وݙے پیمانے تے خلاف ورزیاں، غیر قانونی اتے بلا جواز گرفتاریاں، سیاسی ظلم و ستم، پابندیاں اتے آزاد میڈیا تے انسانی حقوق دے محافظاں کوں دباوݨ دا سلسلہ جاری اے ۔ انہاں آکھیے اساں خصوصی نمائندے دی طرفوں جی ٹونٹی اجلاس دے انعقاد تے ردعمل اتے بھارت دے غیر قانونی طور تے زیر قبضہ جموں و کشمیر دی صورتحال دی مذمتی بیان دی تائید کیتی جیں اچ انہاں آکھیے جی ٹونٹی دے رکن ملکاں کوں مقبوضہ علاقہ دی صورتحال بارے اقوام متحدہ دے خصوصی نمائندے اقلیتی امور دے مشوریں تے توجہ ݙیوݨی چاہیدی اے ۔ وزیر خارجہ بلاول بھٹو زرداری 11 مئی کوں کل جماعتی حریت کانفرنس دی آزاد جموں و کشمیر شاخ دے ھک وفد دے نال ملاقات اچ ایجھے ہی جذبات دا اظہار کیتے۔ انہاں ملاقات اچ کشمیری عوام دے پیدائشی حق خودارادیت دی منصفانہ جدوجہد دی پاکستان دی اخلاقی، سیاسی اتے سفارتی حمایت جاری رکھݨ دا اعادہ کیتے ۔
