سمندر پار پاکستانیاں دی فلاح و بہبود حکومت دی پہلی ترجیح اے، وزیراعظم دی صارت اچ جاری ترقیاتی منصوبیاں بارے اہم جائزہ اجلاس

اسلام آباد۔23مئی  (اے پی پی) وزیراعظم محمد شہباز شریف آکھیا جو سمندر پار پاکستانیاں دی فلاح و بہبود حکومت دی پہلی ترجیح اے، اسلام آباد دے شہریاں کیتے بہترین انفراسٹرکچر اتے ٹرانسپورٹ ݙیوݨ بارے کم کریندے پیوں، سارے ترقیاتی منصوبیاں تے کم تکھا کیتا ونڄے، منصوبیاں دی شفافیت اتے معیار تے کوئی سمجھوتہ قابل قبول کائنا ہوسی۔ اے ڳالھیں انہاں منگل کوں جاری ترقیاتی منصوبے خصوصی طور ٻاہرلے ملک رہݨ آلے پاکستانیاں کیتے رہائشی یونٹس اتے ہاؤسنگ سکیمز بارے اہم جائزہ اجلاس دی صدارت کریندیں ہوئیں آکھی۔ اجلاس اچ ٻاہرلے ملک پاکستانیاں کیتے رہائشی یونٹس اتے ہاؤسنگ سکیمز بارے بریفنگ ݙتی ڳی۔ اجلاس دے شرکاء نال ڳالھ مہاڑ کریندیں ہوئیں وزیراعظم آکھیا جو اوورسیز پاکستانی اساݙا اثاثہ ہن جنہاں دی فلاح و بہبود حکومت دی پہلی ترجیح اے۔  اجلاس اچ وفاقی وزیر خزانہ و محصولات اسحاق ڈار، وفاقی وزیر داخلہ رانا ثنا اللہ ، وزیراعظم دے مشیر احد چیمہ ، وزیراعظم دے معاون خصوصی طارق باجوہ، سابق اراکین قومی اسمبلی حنیف عباسی ، ڈاکٹر طارق فضل چوہدری ، انجم عقیل، وفاقی سیکرٹری داخلہ، وفاقی سیکرٹری خزانہ ، چیئرمین کیپٹل ڈویلپمنٹ اتھارٹی اتے ٻے متعلقہ سرکاری افسر شریک تھیے۔