عمران خان پہلا آر ٹی ایس ساختہ شخص اے جئیں ملک نال دشمنی کیتی، عمران خان اساݙے خلاف کوڑے مقدمے ٻݨائے، نواز شریف سودھی پوری قیادت ڈٹ تے کھڑی رہی اتے سرخرو تھئی، مریم اورنگزیب

اسلام آباد۔23مئی (اے پی پی) وفاقی وزیر اطلاعات تے نشریات مریم اورنگزیب آکھیا جو عمران خان پہلا آر ٹی ایس ساختہ شخص اے جئیں ملک نال دشمنی کیتی، عمران خان اساݙے خلاف کوڑے مقدمے ٻݨائے، نواز شریف سودھی پوری قیادت ڈٹ تے کھڑی رہی اتے سرخرو تھئی کیونجو عوام اتے قیادت کوں پتہ ہئی جو ہک دھیلے دی کرپشن نی کیتی، امانت سمجھ تے عوام دی خدمت کیتی اتے بہادی نال ݙٹے رہیے۔ منگل کوں اپݨے ٹویٹ اچ انہاں آکھیا جو ناحق سزا پاوݨ آلے اتے چوراں اچ موازنے دا آئینہ پیش اے۔ اپݨے ٹویٹ اچ اناہں مسلم لیگ ن اتے ٻی سیاسی جماعتاں دے رہنماواں دی تصویراں شیئر کریندیں ہوئیں آکھیا جو اے تصویراں جرات، بہادری اتے وفاداری دی ناقابل فراموش مثالاں ہن اتے عمران خان دی فسطائیت، بدترین سیاسی انتقام اتے ظلم و جبر دی حقائق ہن۔ انہاں آکھیا جو مسلم لیگ ن دی قیادت چارنسلاں دا حساب ݙتے اتے سرخرو تھئی۔ وفاقی وزیر اطلاعات آکھیا جو عمران خان سیاسی مخالفین، میڈیا نال دشمنی کیتی اتے ساریاں توں ودھ ناقابل معافی جرم اے جو عمران خان ریاست نال دشمنی کیتی پر اساں بہادری نال عمران خان دے جبر دا سامݨا کیتا اتے ملک ، جمہوریت اتے سیاست دی حفاظت کیتی اتے کریندے رہسوں۔