بیلاروس دے وزیر خارجہ 30 تے 31مئی کوں  پاکستان دا دورہ کریسن

اسلام آباد۔25مئی(اے پی پی) وزیر خارجہ بلاول بھٹو زرداری دی دعوت تے بیلاروس دے وزیر خارجہ سرگئی ایلینک 30 اتے31مئی کوں  پاکستان دا سرکاری دورہ کریسن ۔ دفتر خارجہ دی ترجمان ممتاز زہرا بلوچ خمیس کوں پریس بریفنگ اچ آکھیے ݙوہیں وزرائے خارجہ ݙوطرفہ تعلقات دا جائزہ گھنسن تے سیاسی، اقتصادی، دفاعی اتے سائنس و ٹیکنالوجی دے شعبیں اچ تعاون ودھاوݨ سودھے ݙو پاسے دلچسپی دے امور ت ڳالھ مہاڑ کریسن ۔ ترجمان آکھیے پاکستان تے بیلاروس دے درمیان نیڑے تے خوشگوار تعلقات قائم ہن۔ وزیر خارجہ گزریل سال نیویارک اچ اقوام متحدہ دی جنرل اسمبلی دے 77 ویں اجلاس دے موقع تے بیلاروسی ہم منصب نال ملاقات کیتی ہئی۔