پاک فوج شہدادے سارے ٻالاں دی وارث اے،شہدا دی لازوال قربانیاں دی بدولت تساں نال ساݙا رشتہ مثالی اتے ہمیشہ قائم رہݨ آلا اے ،جنرل سید عاصم منیر

راولپنڈی۔25مئی(اے پی پی)پاک فوج دے سربراہ جنرل سید عاصم منیر آکھیے پاک فوج شہدا دے سارے ٻالاں دی وارث اے،شہدا دی لازوال قربانیاں دی بدولت تساں نال ساݙا رشتہ مثالی اتے ہمیشہ قائم رہݨ آلا اے۔او خمیس کوں یومِ تکریمِ شہدا پاکستان دے موقع تے سکول دے ٻالاں نال غیررسمی ملاقات اچ ڳالھ مہاڑ کریندے پئے ہن ۔یومِ تکریمِ شہدا پاکستان تے آرمی چیف سکول دے ٻالاں جنہاں اچ شہدا دے ٻال وی شامل ہن،نال ملاقات کیتی۔سکول اتے شہدادے ٻالاں دے سر تے دستِ شفقت رکھیندے ہوئیں آرمی چیف اپݨے جذبات دا اظہار کیتے تے آکھیے جو پاک فوج شہدا دے سارے ٻالاں دی وارث اے۔آرمی چیف ٻالاں کوں آکھیے جو شہدا دی لازوال قربانیاں پاروں تساں نال ساݙا رشتہ مثالی اتے ہمیشہ قائم رہݨ آلا اے، پاک فوج ہمیشہ تساݙے رلے کھڑی رہسی۔