9 مئی ملکی تاریخ دا تاریک ݙینھ اے، فجی تنصیبات اتے سول املاک تے حملہ کرݨ،اکساوݨ، ہدایات ݙیوݨ اتے منصوبہ بندی کرݨ آلے کہیں رعایت دے مستحق کائنی، وزیراعظم شہباز شریف دا گورنر ہاؤس پشاور اچ سیاسی قائدین دے اجلاس توں خطاب

پشاور ۔25مئی  (اے پی پی) وزیراعظم محمد شہباز شریف آکھیا جو 9 مئی ملکی تاریخ دا تاریک ݙینھ اے، فجی تنصیبات اتے سول املاک تے حملہ کرݨ،اکساوݨ، ہدایات ݙیوݨ اتے منصوبہ بندی کرݨ آضے کہیں رعایت دے مستحق کائنی۔ پوری قوم عمران نیازی دا مکروہ چہرہ اتے دوغلا پن ݙیکھ ڳھدے، جئیں تے پہلے اپݨی حکومت ہٹاوݨ دی سازش دا الزام لاتا انہاں توں اڄ مدد منڳدا پے۔ خمیس کوں گورنر ہائوس پشاور اچ سیاسی قائدین دے اجلاس توں خطاب کریدنیں ہوئیں وزیراعظم آکھیا جو نو مئی دے واقعے قابل مذمت ہن۔ وزیراعظم آکھیا جو انہاں ریڈیو پاکستان دی عمارت دا دورہ کیتے اتے اتھاں دی صورتحال ݙیکھ تے افسوس تھیے۔ ایجھی کاروائیاں تاں دہشت گرد کریندن۔ 9 مئی دے واقعات ٻہوں المناک ہن، 9 مئی کوں پورے ملک اچ دہشت گردی کیتی ڳی اتے اے ݙینھ ملک دی تاریخ دا تاریک ݙینھ ہئی۔ عمران نیازی دے حکم تے جتھیاں شرپسندی کیتی، انہاں کوں باقاعدہ ہدایت ݙتی ڳی جو انہاں جہیں تے کاروائیاں کرݨی، انہاں واقعیاں اپروں معاشرے تے ٻہوں گھاٹا اثر تھیے۔ 75 سال اچ کہیں کوں اینویں کرݨ دی جرات نی تھی۔ سیاسی جماعتاں احتجاج کریندن پر انہاں دا احتجاج پر امن ہوندے، کݙاہیں وی فوجی تنصیبات تے ایجھے حملے نی تھیے۔ حکومت دی ذمہ واری اے جو جنہاں ٻھن تروڑ کیتی، منصوبہ بندی کیتی، ہدایات جاری کیتی، لوکاں کوں اکسایا، فوجی اتے سول تنصیبات تے حملے کیتے او کہیں رعایت دے مستحق کائنی۔ وݙی مشاورت دے بعد اے طے تھیے جو سول املاک تے حملے کرݨ آلیاں دے خلاف انسداد دہشت گردی ایکٹ دے تحت کارروائی تھیسی اتے انہاں کوں شواہد نال کٹہرے اچ کھڑیا ویسی اتے حملے کرݨ آلیاں دے خلاف کاروائی کیتے آئین افواج پاکستان کوں جیڑھا اختیار ݙتے اوندے تحت کاروائی کیتی ویسی۔ ایں بارے پارلیمان اچ قرارداد منظور تھی ڳی اے۔