اسلام آباد۔28مئی (اے پی پی):وفاقی وزیر مذہبی امور اور بین المذاہب ہم آہنگی سینیٹر محمد طلحہ محمود اسلامی اصولاں دے مطابق متبادل اقتصادی ماڈلز تلاش کرݨ دی لوڑھ تے زور ݙتے ۔اسلام آباد چیمبر آف کامرس اینڈ انڈسٹری دے اہتمام نال سود توں پاک معیشت دے موضوع تے سیمینار توں خطاب کریندے ہوئیں انہاں اسلامی معاشی اصولاں کوں اپناوݨ دی اہمیت تے زور ݙتا ۔سینیٹر طلحہ محمود تجارت اتے …
اسلام اچ سود کوں حرام قرار ݙتا ڳئے ،اسلامی اصولاں دے مطابق متبادل اقتصادی ماڈلز ڳولݨ دی لوڑھ اے ،وفاقی وزیر مذہبی امور
مزید خبراں
اسلام آباد۔28مئی (اے پی پی):وفاقی وزیر مذہبی امور اور بین المذاہب ہم آہنگی سینیٹر محمد طلحہ محمود اسلامی اصولاں دے مطابق متبادل اقتصادی ماڈلز تلاش کرݨ دی لوڑھ تے زور ݙتے ۔اسلام آباد چیمبر آف کامرس اینڈ انڈسٹری دے اہتمام نال سود توں پاک معیشت دے موضوع تے سیمینار توں خطاب کریندے ہوئیں انہاں اسلامی معاشی اصولاں کوں اپناوݨ دی اہمیت تے زور ݙتا ۔سینیٹر طلحہ محمود تجارت اتے سود بارے اسلامی نقطہ نظر تے روشنی پاتی تے آکھیے قران پاک اچ اللہ تعالی تجارت کوں حلال (جائز)جݙاں جو سود کوں حرام قرار ݙتے۔انہاں حاضرین کوں قائداعظم دے وژن دی مزید یاد دہانی کروائی، جنہاں یکم جولائی 1948 کوں سٹیٹ بینک آف پاکستان دی افتتاحی تقریب دے دوران مغرب دے سود ی نظام کوں اسلامی معاشی نظام نال بدلݨ دے عزم دا اظہار کیتے۔سینیٹر طلحہ محمود آکھیے سود اللہ اتے انہاں دے رسول دے خلاف اعلان جنگ اے۔انہاں حاضرین تے زور ݙتے جو او سود اچ ملوث ہووݨ دے نتائج تے غور کرن۔انہاں سوال چاتے کیا اساں احکام الہی دی نافرمانی کرتے حقیقی معنیں اچ معاشی خوشحالی حاصل کر سڳدوں ۔انہاں وفاقی شرعی عدالت اتے سپریم کورٹ آف پاکستان دے فیصلیں دا حوالہ ݙیندے ہوئیں سود تے قانونی موقف تے وی روشنی پاتی ۔
