اسلام آباد۔28مئی(اے پی پی):پاک فضائیہ یوم تکبیردی سلورجوبلی دے تاریخی ݙینھ دے موقع تے پوری قوم دے عزم کوں سلام پیش کیتے ۔ پاک فضائیہ دے ترجمان اتوار کوں جاری بیان اچ آکھیے 28 مئی 1998 کوں پاکستان بھارت دے اشتعال انگیز جوہری تجربات دے جواب اچ ایٹمی دھماکے کر تے اپݨی ایٹمی صلاحیت دا ثبوت ݙتا۔ ترجمان آکھیے پاک فضائیہ ایں دوران آپݨے سی ون تھرٹی طیاریں دے …
پاک فضائیہ دا یوم تکبیردی سلورجوبلی دے تاریخی ݙینھ دے موقع تے پوری قوم دے عزم کوں سلام
مزید خبراں
اسلام آباد۔28مئی(اے پی پی):پاک فضائیہ یوم تکبیردی سلورجوبلی دے تاریخی ݙینھ دے موقع تے پوری قوم دے عزم کوں سلام پیش کیتے ۔ پاک فضائیہ دے ترجمان اتوار کوں جاری بیان اچ آکھیے 28 مئی 1998 کوں پاکستان بھارت دے اشتعال انگیز جوہری تجربات دے جواب اچ ایٹمی دھماکے کر تے اپݨی ایٹمی صلاحیت دا ثبوت ݙتا۔ ترجمان آکھیے پاک فضائیہ ایں دوران آپݨے سی ون تھرٹی طیاریں دے ذریعے جوہری تے حساس آلات کوں ٹیسٹ سائٹ تئیں پڄا تے قومی خودمختاری دے تحفظ اچ اہم کردار ادا کیتا ایں دوران فضائیہ دے لڑاکا طیاریں ٹیسٹ توں پہلے اتے دوران تجربات فضائی تحفظ ݙتا ۔ترجمان آکھیے پی اے ایف دے لڑاکا طیارے ایں دوران ہائی الرٹ ہن تے پائلٹ دشمن دے کہیں وی طیارے کوں روکݨ کیتے تیار ہن جیں توں پاکستان دی خودمختاری کوں خطرہ تھی سڳدا ہئی ۔ترجمان آکھیے پاکستان دی فضائی سرحداں دی حفاظت کیتے پاک فضائیہ دا عزم اڄ وی جاری اے تے فضائیہ قوم دے دفاع کیتے چوکس اتے تیار اے۔
