صدر مملکت جسٹس اقبال حمید الرحمن دی بطور چیف جسٹس فیڈرل شریعت کورٹ تعیناتی دی منظوری ݙے ݙتی اے

اسلام آباد۔30مئی  (اے پی پی) صدر مملکت ڈاکٹر عارف علوی جسٹس اقبال حمید الرحمن دی بطور چیف جسٹس فیڈرل شریعت کورٹ تعیناتی دی منظوری ݙے ݙتی اے۔ ایوان صدر دے پریس ونگ توں منگل کوں جاری بیان موجب  جسٹس اقبال حمید الرحمن کوں  3سال کیتے چیف جسٹس فیڈرل شریعت کورٹ تعینات کیتا ڳے۔ جسٹس اقبال حمید الرحمن سپریم کورٹ آف پاکستان دے سابق جج ہن۔ صدر مملکت انہاں دی بطور چیف جسٹس فیڈرل شریعت کورٹ تعیناتی دی منظوری آئین دے آرٹیکل 175اے 13 دے تحت ݙتی اے۔