صدر مملکت دا شہدا  دے لواحقین کوں فون ، وطن کیتے خدمات اتے قربانی تے شہدا کوں خراج عقیدت پیش کیتا

اسلام آباد۔31مئی (اے پی پی):صدر مملکت ڈاکٹر عارف علوی شہدا دی وطن کیتے خدمات اتے قربانی تے انہاں کوں شاندار الفاظ اچ خراج عقیدت پیش کریندے ہوئیں آکھیے قوم شہدا دی قربانیاں کوں نہ بھلسی تے او ہمیشہ انہاں دی ممنون رہسی ۔ ایوانِ صدردے پریس ونگ توں جاری بیان موجب صدر مملکت شہداءدے لواحقین نال ٹیلی فون تے اظہارِ تعزیت کیتی تے شہداءکوں خراج عقیدت پیش کیتے۔ صدر مملکت 18مئی کوں باجوڑ اچ شہید تھیوݨ آلے سپاہی شفیق الرحمٰن دے ورثاءنال فون تے ڳالھ کیتی ۔ ڈاکٹر عارف علوی 24 مئی کوں  دتہ خیل اچ شہید تھیوݨ آلدے سپاہی جواد خان اتے سعید اللّٰہ دے لواحقین نال ڳالھ کیتی ، انہاں آکھیے قوم شہدا دی قربانیاں کوں نہ بھلیسی تے او ہمیشہ انہاں دی ممنون رہسی ۔ صدر مملکت شہداءدے جذبہ حب الوطنی اتے فرض نال لڳن دی وی تعریف کیتی ۔ انہاں شہدا دے اُچے درجات اتے لواحقین کیتے صبر دی دعا کیتی ۔