وزیر مملکت خارجہ امور حنا ربانی کھر 5 توں 13 جون تئیں ناروے، سویڈن، ڈنمارک اتے بیلجئم دے سرکاری دورے کریسن ، دفتر خارجہ

اسلام آباد۔1جون  (اے پی پی):وزیر مملکت خارجہ امور حنا ربانی کھر 5 توں 13 جون تئیں ناروے، سویڈن، ڈنمارک اتے بیلجئم دے سرکاری دورے کریسن ۔ دفتر خارجہ دی ترجمان ممتاز زہرا بلوچ پریس بریفنگ اچ آکھیے وزیر مملکت ترقی، تجارت اتے موسمیاتی تبدیلی دے چیلنجز اتے مسئلہ بارے تعاون تے ڳالھ مہاڑ کیتے وزارتی سطح تے اجلاساں اچ شرکت کریسن ۔او قانون سازاں تے مقامی تاجراں نال وی ملاقات کریسن ۔ حنا ربانی کھر بیلجئم اچ یورپی پارلیمنٹ دے ارکان تے یورپی کمیشن دے سینئر حکام نال ملاقاتاں کریسن ۔ سویڈن اچ ، وزیر مملکت یورپی کونسل خارجہ تعلقات دے سالانہ اجلاس اچ کلیدی مقرر دے طور تے شرکت کریسن ۔ اوعلاقائی اتے عالمی اہمیت دے مسئلیں تے پاکستان دا نقطہ نظر پیش کریسن تے خارجہ پالیسی دی ترجیحات اتے چیلنجز تے بحث کیتے یورپ دے سرکردہ فیصلہ سازاں، ماہرین، تھنک ٹینکس اتے اثرورسوخ رکھݨ آلی شخصیات  دے نال ڳالھ مہاڑ کریسن ۔