وفاقی وزیر سردار ایاز صادق نال یورپی یونین دی سفیر ڈاکٹر رائنا کیونکا دی ملاقات ، تیرہویں یورپی یونین پاکستان سانجھے کمیشن دے ایجنڈے، تیاریاں تے ڳالھ مہاڑ

اسلام آباد۔1جون  (اے پی پی) وفاقی وزیر اقتصادی امور سردار ایاز صادق آکھیا جو پاکستان دی معاشی ترقی اچ یورپی یونین دا اہم کردار اے اتے اساں یورپی یونین نال تعلقات کوں قدر دی نگاہ نال ݙیکھدوں۔ انہاں اے ڳالھ خمیس کوں پاکستان اچ یورپی یونین دی سفیر ڈاکٹر رائنا کیونکا نال ملاقات اچ ڳالھ مہاڑ کریندیں ہوئیں آکھی۔ یورپی یونین دی سفیر وفاقی وزیر ایاز صادق نال انہاں دے بھرا دے انتقال تے تعزیت کیتی۔ سردار ایاز صادق یورپی یونین دی سفیر دا استقبال کیتا اتے یورپی یونین ولوں پاکستان نال تعاون تے شکریہ ادا کیتا۔ انہاں آکھیاجو پاکستان دی معاشی ترقی اچ یورپی یونین دا اہم کردار اے اتے اساں یورپی یونین نال تعلقات کوں قدر دی نگاہ نال ݙیکھدوں۔  یورپی یونین دی سفیر آئی پی ایس جی اجلاس کراوݨ دی تعریف کیتی اتے آئی پی ایس جی ممبران وچال ہم آہنگی تے زور ݙتا۔ ملاقات اچ تیرہویں یورپی یونین پاکستان سانجھے کمیشن دے ایجنڈے، تیاریاں تے ڳالھ مہاڑ کیتی ڳی۔