مستقبل دے چیلنجز دا مقابلہ کرݨ کیتے زرعی انقلاب 2.0 دی لوڑھ اے ، پروفیسر احسن اقبال

اسلام آباد۔2جون(اے پی پی) وفاقی وزیر منصوبہ بندی ، ترقی ، اصلاحات و خصوصی اقدامات پروفیسر احسن اقبال آکھیے مستقبل دے چیلنجز دا مقابلہ کرݨ کیتے زرعی انقلاب 2.0 دی لوڑھ اے ، ملکی زراعت کوں موسمیاتی تبدیلی دے اثرات توں بچاوݨ کیتے جدید ٹیکنالوجی کوں زراعت اچ اپنیندے پیوں ، پاکستان کیتے زراعت دے شعبہ اچ ترقی دے شاندار مواقع موجود ہن۔ اے ڳالھ انہاں آپݨی صدارت اچ زرعی انقلاب 2.0 دے حوالے نال اجلاس اچ آکھی اے ۔ وفاقی وزیر آکھیے مستقبل دے چیلنجزدا مقابلہ کرݨ کیتے زرعی انقلاب 2.0 دی لوڑھ اے ۔ موسمی تغیرات نال نبݨݨ کیتے ہنگامی اقدامات چاوݨے ہن۔ انہاں آکھیے ملکی زراعت کوں موسمیاتی تبدیلی دے اثرات توں بچاوݨ کیتے جدید ٹیکنالوجی کوں زراعت اچ اپنیندے پیوں ۔ پاکستان کیتے زراعت دے شعبہ اچ ترقی دے شاندار مواقع موجود ہن ۔ زرعی شعبہ اچ پیداوار ودھاوݨ سانڳے ریسرچ کوں ودھارا ݙیندے پیوں ، وفاقی وزیر آکھیے چین اتے مشرق وسطی اچ زرعی اجناس اتے لائیو سٹاک برآمد کرݨ دے روشن امکانات موجود ہن۔ تحقیق تے ماڈرن ٹیکنالوجی کوں ودھارا ݙیوݨ کیتے نویں منصوبے شروع کیتے ویندے پئن ۔ نجی و سرکاری شعبہ اتے یونیورسٹیز رل تے زرعی شعبہ دی ترقی کیتے لائحہ عمل بݨاون ۔ زرعی انقلاب 2.0 غذائی شعبہ اچ خود کفالت دے علاوہ برآمدات کوں ودھارا ݙیسی ۔ انہاں آکھیے پاکستان  110 ارب ڈالر دی زرعی اجناس درآمد کریندا پئے اساکوں زرعی شعبہ توں ارباں ڈالر برآمدات پیدا کرݨیاں ہن ۔