حج فلائٹ آپریشن،340  پاکستانی عازمین  سعودی ایئرلائن دے ذریعے  براہ راست جدہ پڄ ڳئن ،ترجمان مذہبی امور

اسلام آباد۔5جون(اے پی پی) حج فلائٹ آپریشن دے تحت پاکستانی عازمین دی براہ راست جدہ ایئرپورٹ روانگی دا عمل شروع کرݙتا ڳئے ،  340 عازمین کوں گھن تے سعودی ایئر لائن دی پرواز  ایس وی 3727 جدہ  پڄ ڳئی اے ۔ترجمان  وزارت مذہبی امور دے مطابق جدہ ایئرپورٹ پڄݨ تے پاکستانی عازمین حج دا پرتپاک استقبال کیتا ڳئے ، ڈی جی حج، قونصل جنرل جدہ، ڈائریکٹر حج مکہ اتے انچارج جدہ ایئرپورٹ عازمین دا استقبال کیتا ۔ روٹ مکہ دے تحت اسلام آباد توں آوݨ آلے عازمین کوں 8 بساں دے ذریعے مکہ  مکرمہ روانہ کیتا ڳئے ۔6 جون کوں 11 پروازاں توں مزید 3387 پاکستانی عازمین حج جدہ پڄسن ۔