پاکستان اچ آندے 24 توں 48 گھنٹے اچ مزید مینھ وسݨ دی پیش گوئی کیتی ڳئی اے، سینیٹر شیری رحمان

اسلام آباد۔9جولائی(اے پی پی):وفاقی وزیر ماحولیاتی تبدیلی سینیٹر شیری رحمان آکھیے پاکستان اچ آندے 24 توں 48 گھنٹے اچ مزید مینھ وسݨ دی پیش گوئی کیتی ڳئی اے، ساریں توں ودھ مینھ  پنجاب دے شہراں لاہور، نارووال اتے سیالکوٹ اچ متوقع اے۔ اپݨے ٹویٹ اچ وفاقی وزیر آکھیے ٻئے صوبیں کوں وی موسلادھار توں درمیانے مینھ کیتے الرٹ کرݙتا ڳئے ۔ لینڈ سلائیڈنگ دے خطرات آلے شہراں اتے میونسپل علاقیں کیتے شہری سیلاب دے الرٹ جاری کیتے ڳن انہاں آکھیے مربوط تیاری اتے فعال ردعمل جاناں کوں بچیندے ، ایں کیتے متاثرہ علاقیں اچ سارے رسپانس ٹیماں، عوامی اتے این جی اوز ݙوہیں کوں چوکس، تیار رہݨ دی لوڑھ اے ۔