صدرِ مملکت دی کئی سمریاں دی منظوری، 1,172 اہلکاراں کوں فوجی اعزازات ݙیوݨ دی منظوری

اسلام آباد (اے پی پی) صدرِ مملکت آصف علی زرداری وزیرِ اعظم ولوں بھجوائی ڳئی کئی سمریاں دی منظوری ݙے ݙتی ہے۔ ایوانِ صدر دے پریس ونگ توں جمعے کوں جاری بیان دے مطابق صدرِ مملکت مسلح افواج تے سول آرمڈ فورسز دے 1,172 اہلکاراں کوں فوجی اعزازات ݙیوݨ دی منظوری ݙتی اے، مختلف سول شعبیاں نال تعلق رکھݨ آلے شہریاں کوں قومی اعزازات ݙیوݨ دی وی منظوری ݙتی ڳئی اے۔ صدرِ مملکت 17 اگست کوں قومی اسمبلی دا اجلاس شام 5 وڄے تے سینیٹ دا اجلاس شام 4 وجے سݙݨ دی منظوری ݙے ݙتی اے۔ صدر آصف علی زرداری یومِ آزادی تے عید میلاد النبی ﷺ دے موقعے تے اہل قیدیاں دی سزاواں اچ 100 ݙینہواراں دی خصوصی معافی دی منظوری وی ݙتی اے۔