اساکوں ڈیجیٹل انقلاب نال ٻݨݨ آلے امکانات دا فائدہ چاوݨے، پروفیسر احسن اقبال دا گلوبل فورم دے انڈسٹریلائیزیشن اتے ڈیجیٹل پینل توں خطاب

بیجنگ۔10جولائی  (اے پی پی) وفاقی وزیر منصوبہ بندی،ترقی ،اصلاحات تے خصوصی اقدامات پروفیسر احسن اقبال آکھیاجو ڈیجیٹل ٹیکنالوجیز مواصلات دے نظام اچ انقلاب برپا کر ݙتے، اساکوں رَل تے ڈیجیٹل انفراسٹرکچر کوں مضبوط کرݨے، چین دے تجربیاں نال دنیا کوں فائدہ چاوݨ دی لوڑھ اے، پاکستان سی پیک دے ذریعے چین دے تجربیاں توں سکھدا پئے۔ اے ڳالھیں انہاں گلوبل فورم دے انڈسٹریلائیزیشن اتے ڈیجیٹل پینل توں خطاب کریندیں ہوئیں آکھی۔ انہاں آکھیاجو اساکوں ڈیجیٹل انقلاب نال ٻݨݨ آلے امکانات دا فائدہ چاوݨے۔ پاکستان اچ عصرحاضر دے رحجانات اتے تقاضیاں کوں ݙیکھدیں ہوئیں   مصنوعی ذہانت ، سائبر سکیورٹی ، آٹومیشن اتے روبوٹکس   بگ ڈیٹا اتے کلائوڈ کمپیوٹنگ ، کوانٹم کمپیوٹنگ اتے نینو ٹیکنالوجی تے نیشنل سینٹرز ٻݨائے ڳن۔ پاکستان اتے چین دے ادارے تحقیق، صنعت اتے اکیڈمیا دے شعبیاں اچ سانجھ اتے تعاون کریندے پن۔