پاک بحریہ دے سربراہ ایڈمرل محمد امجد خان نیازی  دی ملائیشیا دے سرکاری دورے تے رائل ملائیشین نیوی دی قیادت نال ملاقات

اسلام آباد۔12اگست  (اے پی پی):پاک بحریہ دے سربراہ ایڈمرل محمد امجد خان نیازی ملائیشیا دے سرکاری دورے تے رائل ملائیشین نیوی دی قیادت  نال ملاقات کیتی اے ۔ پاک بحریہ توں جاری اعلامیہ موجب وزارت دفاع آوݨ تے پاک بحریہ دے سربراہ دا استقبال رائل ملائیشین نیوی دے سربراہ ایڈمرل تان سری عبدالرحمن بن ایوب کیتا انہاں کوں گارڈ آف آنر پیش کیتا ڳیا ۔ ایں موقع تے پاک بحریہ دے سربراہ رائل ملائیشین نیوی دے سربراہ نال ملاقات اچ ݙو پاسے بحری تعاون اتے علاقائی میری ٹائم سکیورٹی دے امور تے ڳالھ مہاڑ کیتی ۔ نیول چیف ریجنل میری ٹائم سیکیورٹی پٹرولز ( آر ایم  ایس پی) دے اقدام اتے کمبائنڈ میری ٹائم فورس اچ شرکت دے ذریعے علاقائی میری ٹائم امن و استحکام کیتے پاک بحریہ دے کردار کوں اجاگر کیتا ۔رائل ملائیشین نیوی دے سربراہ خطے اچ مشترکہ میری ٹائم سکیورٹی دی حمایت اچ پاک بحریہ دے کردار دی تعریف کیتی تے تکڑے ݙو پاسے دفاعی تعاون دی اہمیت کوں منیا ۔ بعد اچ پاک بحریہ دے سربراہ ملائیشین نیشنل ڈیفنس کالج پسپہنس دا دورہ کیتا۔ پاک بحریہ دے سربراہ دا استقبال پی یو ایس پی اے ایچ اے این اے ایس دے صدر کیتا تے انہاں کوں گارڈ آف آنر پیش کیتا ڳیا ، نیول چیف کوں کالج اچ ݙتی ونڄݨ آلی تربیت بارے تفصیلی بریفنگ ݙتی ڳئی