چیئرمین سینیٹ تے ڈپٹی چیئرمین دی ورسک روڈ تے سکیورٹی فورسز تے ڳاݙی تے حملے دی مذمت

اسلام آباد۔11ستمبر  (اے پی پی) چیئرمین سینیٹ محمد صادق سنجرانی پشاور اچ ورسک روڈ تے سکیورٹی فورسز دی ڳاݙی تے دہشت گرد حملے دی مذمت کریندیں ہوئیں آکھیا جو دہشت گرد ترقی دے عمل کوں روکݨ چاہندن جئیں اچ او کݙاہیں کامیاب نہ تھیسن۔ دہشت گردی دے خلاف جنگ اچ پاکستان دی سکیورٹی فورسز ٻہوں قربانیاں ݙتن۔ سنوار کوں سینیٹ سیکرٹریٹ توں جاری بیان موجب چیئرمین سینیٹ ایں حملے اچ جاں بحق تھیوݨ آلے اہلکار دے درجات دی بلندی اتے زخمی تھیوݨ آلے معصوم شہریاں سودھے سکیورٹی اہلکاراں دی جلدی صحت یابی دی دعا کیتی۔