وفاقی وزیرِ اطلاعات عطاء اللہ تارڑ دا پی ٹی وی نیوز دے سینئر رپورٹر نوید اظہر دے وݙے بھرا ناصر حسین دے انتقال تے افسوس دا اظہار

اسلام آباد۔ 9 اگست (اے پی پی) وفاقی وزیر برائے اطلاعات تے نشریات عطاء اللہ تارڑ پاکستان ٹیلی وژن (پی ٹی وی) نیوز دے سینئر رپورٹر نوید اظہر دے وݙے بھرا ناصر حسین دے انتقال تے ݙکھ تے افسوس دا اظہار کیتے۔ آپݨے تعزیتی بیان اچ وزیرِ اطلاعات سوگوار خاندان نال دلی ہمدردی تے تعزیت دا اظہار کریندیں ہوئیں آکھیا جو نوید اظہر دے بھرا ناصر حسین دے انتقال دی خبر سݨ تے دلی افسوس تھیا۔ انھاں آکھیا جو او نوید اظہر تے انھاں دے اہل خانہ دے ݙکھ اچ برابر دے شریک ہن۔ وفاقی وزیر دعا کیتی جو اللہ تعالیٰ مرحوم دی مغفرت فرماوے، انھاں کوں اپنے جوارِ رحمت اچ اعلیٰ مقام عطا فرماوے اتے لواحقین کوں صبرِ جمیل ݙیوے۔ آمین۔