میجر راجہ عزیز بھٹی (نشانِ حیدر)دا 58واں شہادت دا ݙینھ ،مسیتاں اچ قرآن خوانی تے دعاواں دا اہتمام

اسلام آباد۔12ستمبر(اے پی پی) میجر راجہ عزیز بھٹی شہید (نشانِ حیدر)دا 58واں یومِ شہادت پوری عقیدت اتے احترام نال منایا ویندا پئے ۔ ایں موقع تے مسیتاں اچ قرآن خوانی اتے دعاواں دا اہتمام کیتا ڳئے ۔ تفصیل موجب میجر راجہ عزیز بھٹی شہید دے شہادت دے ݙینھ دا آغاز مسیتاں اچ قرآن خوانی اتے دعاواں دے  نال تھیا ، علما شہید دے اچے درجات کیتے خصوصی دعاواں دا اہتمام کیتے۔علمائے کرام ڳالھ مہاڑ کریندے ہوئیں آکھیے جو زندہ قوماں آپݨے محسناں دے احسان نی بھلیندیاں ، شہدا دا لہو اساں تے قرض اے ۔ انہاں آکھیے شہید ہمیشہ زندہ ہوندن ، شہید دی رت کݙاہیں ضائع نی ویندی ، جیڑھیاں قوماں آپݨے شہدا دی عزت نی کریندیاں او ذلیل تے رسوا تھیندن۔ انہاں آکھیے میجر راجہ عزیز بھٹی شہید دھرتی دا بہادر پتر ہئی جیڑھا ہمیشہ ہر دل اچ زندہ رہسی ۔