مستونگ اچ سڑک کنارے لڳیے بم دا دھماکہ جے یو آئی ف دے مرکزی رہنماءحافظ حمداللہ سودھے نو بندے زخمی تھی ڳئے

کوئٹہ۔ 14 ستمبر (اے پی پی) جمعیت علماءاسلام (ف) دے مرکزی رہنماء حافظ حمداللہ  کوئٹہ دے نیڑے ضلع مستونگ اچ سڑک کنارے لاتے ڳئے بم دھماکے اچ زخمی تھی ڳئن۔ دھماکے اچ نو بندے زخمی تھین۔ ضلعی انتظامیہ مستونگ دے مطابق حافظ حمداللہ  خمیس کوں منگوچر ویندے پئے ہن جو اچاچیت سڑک کنارک لاتے ڳئے بم دا دھماکہ تھیا جئیں پاروں حافظ حمد اللہ،محمد یوسف،قدرت اللہ،حافظ رحیم بخش،محمد عامر،محمد یوسف،حاجی احمد ،عبدالقادر اتے علیمہ زخمی تھی ڳئے جنہاں کوں فوری طبی امداد کیتے کوئٹہ ریفر کر ݙتا ڳیا۔