گورننس اچ بہتری کیتے سول اداریاں دی کارکردگی کوں ٻہتر ٻݨایا ویندا پئے، نگران وزیراعظم انوار الحق کاکڑ

اسلام آباد۔15ستمبر  (اے پی پی) نگران وزیراعظم انوار الحق کاکڑ آکھیا جو گورننس اچ بہتری کیتے سول اداریاں دی کارکردگی کوں ٻہتر ٻݨایا ویندا پئے۔بجلی چوری، ذخیرہ اندوزی اتے سمگلنگ روکݨ کیتے چاریں صوبیاں اچ بہترین کم تھیندا پئے۔ جتھ لوڑھ پوسے فوج دی خدمات وی ڳھدی ویسن۔ بجلی چوری روکݨ کیتے اقدامات موثر کرݨ دی لوڑھ اے۔ اے ڳالھیں انہاں جمعے کوں بجلی چوری، ،ذخیرہ اندوزی  اتے سمگلنگ روکݨ بارے تھیوݨ آلے اجلاس دی صدارت کریندیں ہوئیں آکھی۔ وزیراعظم آکھیا جو نگران حکومت گورننس بارے آپݨی ذمہ واریاں پوری کریندی پئی اے۔ بیورو کریسی ، پولیس اتےمتعلقہ ادارے رل تے کم کریسن اتے جتھ لوڑھ پوسی پاک فوج دی خدمات وی حاصل کیتی ویسن۔