ایف آئی اے ہنڈی،غیر قانونی کرنسی کاروبار دے خلاف کریک ڈاؤن تکھا کرݙتے

اسلام آباد۔18ستمبر(اے پی پی) ڈائریکٹر جنرل ایف آئی اے محسن حسن بٹ دی ہدایت تے ایف آئی اے گوجرانوالہ زون منڈی بہاؤالدین ،گجرات ، حافظ آباد ،گوجرانوالہ ،سیالکوٹ اتے نارووال دے ضلعیں اچ حوالہ ہنڈی اتے غیر قانونی فارن ایکسچینج دا کاروبار کرݨ آلیں دے خلاف کریک ڈاؤن تکھا کرݙتے ۔ ایف آئی اے ٹیماں گجرات دیاں وکھو وکھ جہیں تے چھاپے مار تے حوالہ ہنڈی اتے غیر ملکی کرنسی دا غیر قانونی کاروبار کرݨ آلے چھی لوکاں کوں گرفتار کیتے اتے انہاں دے قبضے وچوں لکھاں روپے دی ملکی تے غیر ملکی کرنسی برآمد کرڳھدی اے ۔ملکی کرنسی توں علاوہ غیر ملکی کرنسی اچ درہم ، یورو ،امریکی ڈالر ،موبائل فون اتے ڈیجیٹل مشیناں کمپیوٹر وغیرہ شامل ہن۔ ڈائریکٹر ایف آئی اے ساجد اکرم آکھیے جو گوجرانوالہ زون دے سارے ضلعیں اچ  حوالہ ہنڈی اتے فارن ایکسچینج دا غیر قانونی کاروبار کرݨ آلیں تے انسانی سمگلراں دے خلاف گھیرا تنگ کرݙتے ۔