اسلام آباد۔19ستمبر(اے پی پی) نگران وفاقی وزیر تجارت ڈاکٹر گوہر اعجاز آکھیے ہر صنعتی شہر دا دورہ کریساں تے ہر صنعت کوں فعال بݨیساں ،اسمگلنگ دیاں سرگرمیاں نال نبݨݨ سانگے حکومت پرعزم اے ۔ وفاقی وزیر تجارت وصنعت و پیداوار ڈاکٹر گوہر اعجاز وزارت تجارت اچ پاکستان بزنس کونسل دے نمائندیں دے ھک اجلاس دی صدارت کیتی ۔ اجلاس اچ بین الاقوامی تجارت ودھاوݨ ، برآمدات ودھاوݨ تے پاکستان …
ہر صنعتی شہر دا دورہ کریساں تے ہر صنعت کوں فعال بݨیساں ، ڈاکٹر گوہر اعجاز
مزید خبراں
اسلام آباد۔19ستمبر(اے پی پی) نگران وفاقی وزیر تجارت ڈاکٹر گوہر اعجاز آکھیے ہر صنعتی شہر دا دورہ کریساں تے ہر صنعت کوں فعال بݨیساں ،اسمگلنگ دیاں سرگرمیاں نال نبݨݨ سانگے حکومت پرعزم اے ۔ وفاقی وزیر تجارت وصنعت و پیداوار ڈاکٹر گوہر اعجاز وزارت تجارت اچ پاکستان بزنس کونسل دے نمائندیں دے ھک اجلاس دی صدارت کیتی ۔ اجلاس اچ بین الاقوامی تجارت ودھاوݨ ، برآمدات ودھاوݨ تے پاکستان اچ کاروبار کرݨ اچ سوکھ ݙیوݨ کیتے حکمت عملی اتے اقدامات تے ڳالھ مہاڑ کیتی ۔ایں دوران پاکستان بزنس کونسل سفارشات پیش کیتیاں جیں دا مقصد پاکستان دے معاشی منظر نامے اچ اہم چیلنج تے موقع نال نبݨݨا اے ۔ پی بی سی پاکستانی صنعتاں دی مجموعی مسابقت ودھاوݨ کیتے بجلی، گیس اتے لیبر جیہے اہم امور کوں معقول بݨاوݨ دی اہمیت تے زور ݙتے۔ پی بی سی آئی ٹی سیکٹر کوں ودھارا ݙیوݨ تے چیزاں توں ویلیو ایڈیشن اتے برانڈنگ دی طرفوں منتقلی دی اہمیت تے وی زور ݙتے ۔وفاقی وزیر تجارت ڈاکٹر گوہر اعجاز وزارت آمد تے پاکستان بزنس کونسل دے وفد دا خیرمقدم کیتا تے اقتصادی ترقی کوں ودھاوݨ تے تجارت سوکھی بݨاوݨ سانڳےآپݨے عزم دا اظہار کیتے۔
