اسلام آباد۔19ستمبر(اے پی پی) صدر مملکت ڈاکٹر عارف علوی بے روزگاری، معاشرے اچ ودھدا تنائو ، خصوصی لوکاں کیتے موقع تئیں رسائی کوں چنڳاں بݨاوݨ تے کاروبار اتے روزگار اچ تریمتاں دی شرکت ودھاوݨ جیہے چیلنج نال نبݨݨ کیتے اجتماعی کوششاں دی لوڑھ تے زور ݙتے ۔ انہاں کراچی اچ کراچی چیمبر آف کامرس اینڈ انڈسٹری (کے سی سی آئی) دے ھک وفد نال ملاقات تے ملک اچ سماجی …
بے روزگاری اتے معاشرے اچ تنائو مکاوݨ ، خصوصی لوکاں کیتے موقع تئیں رسائی تے روزگار اچ تریمتاں دی شرکت ودھاوݨ سانگے اجتماعی کوششاں دی لوڑھ اے، صدر مملکت عارف علوی
مزید خبراں
اسلام آباد۔19ستمبر(اے پی پی) صدر مملکت ڈاکٹر عارف علوی بے روزگاری، معاشرے اچ ودھدا تنائو ، خصوصی لوکاں کیتے موقع تئیں رسائی کوں چنڳاں بݨاوݨ تے کاروبار اتے روزگار اچ تریمتاں دی شرکت ودھاوݨ جیہے چیلنج نال نبݨݨ کیتے اجتماعی کوششاں دی لوڑھ تے زور ݙتے ۔ انہاں کراچی اچ کراچی چیمبر آف کامرس اینڈ انڈسٹری (کے سی سی آئی) دے ھک وفد نال ملاقات تے ملک اچ سماجی و اقتصادی چیلنج تے قابو پاوݨ کیتے رضاکارانہ خدمات اتے چیمبرز، بینکنگ سیکٹر اتے سول سوسائٹی دی فعال شمولیت دی اہمیت تے زور ݙتے۔ ایوان صدر توں جاری ھک پریس ریلیز موجب صدر مملکت زور ݙتے جو کاروباری برادری کوں سماجی شعبیں کوں اڳوں ودھاوݨ تے ضرورت منداں دی مدد کرتے اپݨی کارپوریٹ سماجی ذمہ واری کوں پورا کرݨ اچ کردار نبھاوݨا چاہیدے ۔ انہاں آکھیے سرکاری اتے نجی شعبیں وچال سانجھے تعاون نال لوکاں دی زندگی اچ خاص طور تے سماجی اقدامات دے دائرے اچ مثبت تبدیلی آسڳدی اے ۔ صدر ھک جامع معاشرے دی تشکیل تے زور ݙتے جتھاں سماجی تے اقتصادی سرگرمیاں اچ تریمتاں دی شرکت کوں ودھایا ونڄ سڳے۔ انہاں کراچی چیمبر دے ممبران تے زور ݙتے جو او تریمتاں کوں مستقبل دی صنعت کار بݨݨ، انہاں اعتماد ودھاواݨ تے انہاں کوں بااختیار بݨاوݨ کیتے انہاں دی حمایت تے حوصلہ افزائی کرن۔
