اسلام آباد، سودھے ملک دیاں ٻیاں جہیں تے ہوا گھلݨ اتے کھمݨ نال مینھ وسݨ دا امکان اے، محکمہ موسمیات

اسلام آباد۔20ستمبر(اے پی پی) آندے چووی گھنٹے اسلام آباد، خطہ پوٹھوہار،تلویں سندھ، اتلے تے مشرقی پنجاب، اتلے خیبر پختونخوا، گلگت بلتستان تے کشمیراچ ہوا گلھݨ تے کھمݨ نال مینھ وسݨ دا امکان اے ایں ویلھے سندھ اچ کجھ جہیں تے ودھ سارا مینھ وس سڳدے ملک دیاں ٻیاں جہیں تے موسم رکھا تے گرم رہسی ۔ محکمہ موسمیات موجب گزریل 24 گھنٹے اچ ملک اچ موسم گرم تے رکھا رہیا جݙاں جو تلویں سندھ، بہاولپور اتے بگروٹ اچ تکھی ہوا گھلی تے کھمݨ دے نال مینھ وسیا ۔ ساریں توں ودھ مینھ بدین 54، سکرنڈ 24، چھور، شہید بینظیر آباد 12، کراچی (کیماڑی 11، مسرور بیس 9، سرجانی 8، ناظم آباد 6، فیصل بیس 5، نارتھ کراچی 4، یونیورسٹی روڈ 3، اولڈ ایریا ایئرپورٹ، ڈی ایچ اے 2، قائد آباد، سعدی ٹائون، گلشن حدید ھک)، میرپور خاص 5، بہاولپور (ایئرپورٹ 9) اتے بگروٹ اچ 3 ملی میٹر مینھ وسیے ۔ درجہ حرارت دی رپورٹ موجب تربت 44 تے  لسبیلہ اچ درجہ حرارت 41 ڈگری سینٹی گریڈ ریکارڈ کیتا ڳئے ۔