مذہبی شدت پسندی پوری دنیا دا مسئلہ اے،پوری دنیا اچ مذہبی ہم آہنگی دی لوڑھ اے ، اسلام اقلیتاں نال چنڳے سلوک دا درس ݙیندے ، مشعال ملک

جڑانوالہ۔21ستمبر(اے پی پی) وزیراعظم دی معاون خصوصی انسانی حقوق مشعال ملک آکھیے مذہبی شدت پسندی پوری دنیا دا مسئلہ اے،پوری دنیا اچ مذہبی ہم آہنگی دی لوڑھ اے ، اسلام اقلیتاں نال چنڳے سلوک دا درس ݙیندے ، پاکستان اچ دہشت گردی اچ بھارتی خفیہ ایجنسی ملوث اے۔ عالمی یوم امن دے موقع تے جڑانوالہ اچ مسیحی برادری نال اظہار یکجہتی دے موقع تے تقریب توں خطاب کریند ہوئیں مشعال ملک آکھیے جڑانوالہ اچ سازش دے تحت فسادات کراوݨ دی کوشش کیتی ڳئی  اتے پورے ملک اچ ایں واقعے دی بھرپور مذمت کریندے ہوئیں آکھیے اللہ دا شکر اے کوئی جانی ضیان نی تھیا ۔انہاں آکھیے اقلیتاں دے مسئلیں کوں حل کرݨ سانگے ھک پورٹل بݨیندے پیوں ۔انہاں آکھیے اڄ عالمی امن دا ݙینھ ا ،پوری دنیا اچ مذہبی ہم آہنگی تے کم کرݨ دی لوڑھ اے ۔ مشعال ملک کینیڈا اچ سکھ رہنما دے قتل دی مذمت کریندے ہوئیں مودی کوں موجودہ وقت دا ہٹلر قرار ݙتا،مودی حکومت اقلیتاں دےحقوق دی سنگین خلاف ورزیاں کریندی پئی اے ۔ انہاں آکھیے پنجاب، بلوچستان اتے پورے پاکستان اچ دہشت گردی کراوݨ اچ بھارت دی بدنام زمانہ خفیہ ایجنسی’’را ‘‘ملوث اے ،بھارت مقبوضہ کشمیر اچ ہزاراں دی تعداد اچ مسیتاں دی بے حرمتی کیتی اے۔