وزارت مذہبی امورولوں48ویں 2 ݙینھ دی بین الاقوامی سیرت النبی ﷺ کانفرنس 11 اتے12 ربیع الاول کوں تھیسی۔ مقابلہ مقالات تے کتب سیرت تے نعت دے انعام جتݨ آلیاں اچ انعام تقسیم کیتے ویسن

اسلام آباد۔22ستمبر  (اے پی پی) وزارت مذہبی امورولوں48ویں  2 ݙینھ دی بین الاقوامی  سیرت النبی ﷺ کانفرنس 11 اتے12 ربیع الاول کوں تھیسی۔ اے کانفرنس تقسیم انعامات مقابلہ مقالات ، کتب سیرت تے نعت اتے  سیرت  النبیﷺ کانفرنس ݙو اہم حصیاں تے ہوسی۔ ایں سال مقابلہ مقالات تے کتب سیرت ونعت   دا اعلان فروری اچ کیتا ڳیا ہئی جئیں دا عنوان ’’ملکی معاشی استحکام کے لئے حکمت عملی، سیرت النبیﷺ کی روشنی میں ‘‘ ہئی۔ مقابلہ مقالات تے کتب سیرت تے نعت دے انعام جتݨ آلیاں اچ انعام تقسیم کیتے ویسن۔