نگراں وفاقی وزیر مذہبی امور انیق احمد دی سعودی ہم منصب نال ملاقات

ریاض۔22ستمبر  (اے پی پی):حج 2024 اچ پاکستانی حجاج دیاں سہولتاں اچ مزید ودھارا تھیسی ۔ اے ڳالھ وزیر مذہبی امور انیق احمد سعودی عرب دے دارالحکومت ریاض اچ سعودی ہم منصب نال ملاقات اچ آکھی اے۔ وزیر مذہبی امور انیق احمد ریاض اچ سعودی وزیر حج و عمرہ ڈاکٹر توفیق بن فوزان الربیعہ نال حج انتظامات کوں حتمی شکل ݙیوݨ کیتے ھک اجلاس اچ پاکستان دی نمائندگی کیتی۔اجلاس اچ سعودی عرب اچ تعینات پاکستانی سفیر احمد فاروق اتے نائب سفیر معظم خان وی موجود ہن۔ وزیر مذہبی امور انیق احمد آکھیے حج 2024 اچ پاکستانی حجاج دیاں سہولتاں مزید ودھائیاں ویسن۔ حاجیاں کیتے رہائش، خوراک اتے سفری سہولتاں کوں وختی حتمی شکل ݙتی ویسی ۔ انہاں سعودی وزیر ڈاکٹر توفیق الربیعہ  کوں آکھیے پاکستانی حاجیاں دے فلائٹ شیڈول کوں وختی حتمی شکل ݙتی ونڄے، مشاعر مقدسہ اچ پاکستانی حاجیاں کوں نیڑے ݙتے ونڄن ۔ روڈ ٹو مکہ پراجیکٹ اسلام آباد توں علاوہ شہراں توں وی شروع کیتا ونڄے خادم حرمین شریفین اتے سعودی ولی عہد شہزادہ محمد بن سلمان دی سرپرستی اچ وزارت حج و عمرہ دی طرفوں حاجیاں کوں بہترین سہولتاں ݙیوݨ دیاں کوششاں دی تعریف کریندے ہوئیں ڈاکٹر توفیق دا شکریہ ادا کیتے۔ سعودی وزیر حج و عمرہ ڈاکٹر توفیق بن فوزان الربیعہ آکھیے سعودی حکومت پاکستانی حاجیاں کوں پہلے توں ودھ تے تعاون کریسی ۔ حاجیاں کوں بہترین سہولتاں ݙیوݨ کیتے ٻہوں سارے نویں اقدامات چاتن ۔ پوری دنیا دے 80 ملکاں توں نجی ٹور آپریٹرز دی تعداد محدود کرݙتی ۔ سارے پرائیویٹ ٹور آپریٹر کیتے حاجیاں دی گھٹ توں گھٹ تعداد 2 ہزار مقرر کیتی ڳئی اے  روڈ ٹو مکہ پراجیکٹ اچ کراچی تے لاہور کوں رلاوݨ تے غور کیتا ویندا پئے ۔