اسلام آباد۔22ستمبر (اے پی پی):صدر مملکت ڈاکٹر عارف علوی آکھیے پاکستان سعودی عرب نال تعلقات کوں اہمیت ݙیندے ، سعودی عرب ہمیشہ اوکھے ویلھے پاکستان دا ساتھ ݙتے ، ݙوہیں بھرا ملکاں وکھو وکھ شعبیں اچ بہترین تعلقات رکھیندن تے علاقائی اتے بین الاقوامی مسئلیں تے انہاں دے خیال وی ھکو سویں ہن ۔ ایوانِ صدر دے پریس ونگ توں جاری بیان موجب صدر مملکت اے ڳالھ سعودی مسلح …
صدر مملکت ڈاکٹر عارف علوی نال سعودی مسلح فوج دے چیف آف جنرل سٹاف جنرل فیاض بن حامد الرویلی دی ملاقات
مزید خبراں
اسلام آباد۔22ستمبر (اے پی پی):صدر مملکت ڈاکٹر عارف علوی آکھیے پاکستان سعودی عرب نال تعلقات کوں اہمیت ݙیندے ، سعودی عرب ہمیشہ اوکھے ویلھے پاکستان دا ساتھ ݙتے ، ݙوہیں بھرا ملکاں وکھو وکھ شعبیں اچ بہترین تعلقات رکھیندن تے علاقائی اتے بین الاقوامی مسئلیں تے انہاں دے خیال وی ھکو سویں ہن ۔ ایوانِ صدر دے پریس ونگ توں جاری بیان موجب صدر مملکت اے ڳالھ سعودی مسلح فوج دے چیف آف جنرل سٹاف جنرل فیاض بن حامد الرویلی نال کیتی جنہاں ایوان صدر اچ انہاں دے نال ملاقات کیتی ۔ پاکستان اچ سعودی سفیر نواف بن سعید المالکی وی ملاقات اچ موجود ہن۔ ملاقات اچ پاکستان تے سعودی عرب تجارت، معیشت اتے دفاع دے شعبیں اچ ݙو پاسے تعاون مزید ودھاوݨ دے عزم دا اعادہ کیتے ۔ صدر مملکت آکھیے پاکستان سرمایہ کاری چاہندے کیوں جو ملک اچ زراعت اتے آئی ٹی دے شعبیں اچ سرمایہ کاری دی وݙی صلاحیت موجود اے۔ صدر مملکت ولی عہد شہزادہ محمد بن سلمان دے وژن دی تعریف کیتی ۔ ایں موقع تے سعودی مسلح ݙوج دے چیف آف جنرل سٹاف جنرل فیاض بن حامد الرویلی آکھیے پاکستان تے سعودی عرب وچال شروع توں ہی نیڑے دے تعلقات ہن۔ انہاں ݙوہیں بھرا ملکاں وچال ݙو پاسے تعاون مزید ودھاوݨ تے زور ݙتا تے آکھیے جو سعودی عرب دا وژن 2030 پڑوسی ملکاں نال اسلامی دنیا اچ وی خوشحالی گھن آسی ۔
