اسلام آباد۔24ستمبر(اے پی پی) پاک بحریہ ترکیہ دے استنبول نیول شپ یارڈ اچ منعقدہ کمیشننگ تقریب اچ پہلا ملجم جہاز پی این ایس بابر کوں بحری ٻیڑے اچ شامل کر ڳھدے ۔ پاک بحریہ دی پریس ریلیز اچ آکھیا ڳئے جو ایں تقریب اچ وزیر قومی دفاع ترکیہ یاسر گلیراتے پاکستان دے نگراں وزیر دفاع لیفٹیننٹ جنرل (ر) انور علی حیدر بطور مہمان خصوصی شرکت کیتی۔ ایں موقع تے …
پاک بحریہ پہلے ملجم جہاز پی این ایس بابر کوں بحری ٻیڑے اچ شامل کرڳھدا
مزید خبراں
اسلام آباد۔24ستمبر(اے پی پی) پاک بحریہ ترکیہ دے استنبول نیول شپ یارڈ اچ منعقدہ کمیشننگ تقریب اچ پہلا ملجم جہاز پی این ایس بابر کوں بحری ٻیڑے اچ شامل کر ڳھدے ۔ پاک بحریہ دی پریس ریلیز اچ آکھیا ڳئے جو ایں تقریب اچ وزیر قومی دفاع ترکیہ یاسر گلیراتے پاکستان دے نگراں وزیر دفاع لیفٹیننٹ جنرل (ر) انور علی حیدر بطور مہمان خصوصی شرکت کیتی۔ ایں موقع تے خطاب کریندے ہوئیں ترکیہ دے وزیر دفاع پاکستان تے ترکی دے بھرپی آلے تعلقات کوں مثالی قرار ݙتا تے دفاعی پیداوار دے شعبے اچ مزید تعاون دے امکان دا اعتراف کیتا۔انہاں استنبول نیول شپ یارڈ اتے ASFAT (ترک فرم) دیاں کوششاں تے قابل ذکر کماں دی تعریف کیتی ۔ انہاں ترکیہ اچ اڄوکے تباہ کن زلزلیں اچ غیر معمولی تعاون تے حکومت پاکستان تے پاک بحریہ دا شکریہ وی ادا کیتا۔اپݨے خطاب اچ پاکستان دے نگراں وزیر دفاع پہلے ملجم جہاز دے منصوبے کوں کامیاب بݨاوݨ کیتے ہم آہنگی دیاں کوششاں تے وزارت دفاعی پیداوار پاکستان، وزارت قومی دفاع ترکیہ، ASFAT تے پاک بحریہ دے تعاون دی تعریف کیتی تے ساریاں ٹیماں کوں ایں منصوبے دی کامیابی تے مبارخ ݙتی ۔
