پائیدار معاشی ترقی سانڳے تعلیمی نظام کوں بہتر کرݨ حکومت دی ترجیح اے ،  نگران وفاقی وزیر تعلیم مدد علی سندھی

اسلام آباد۔3اکتوبر(اے پی پی)وفاقی وزیر تعلیم و پیشہ وارانہ تربیت مدد علی سندھی آکھیے پائیدار معاشی ترقی سانڳے تعلیمی نظام کوں بہتر کرݨ حکومت دی اہم ترجیح اے ، کوئی وی قوم تعلیم دے بغیر ترقی نی کرسڳدی ۔ اے ڳالھ انہاں اسلام آباد چیمبر آف کامرس اینڈ انڈسٹری دے اہتمام نال یونیورسٹیاں دے تعاون نال طلبا وچال ھک بزنس پلان مقابلے توں بطور مہمان خصوصی خطاب کریندے ہوئیں آکھی اے ۔ کامسیٹ یونیورسٹی، رفاہ یونیورسٹی، انسٹی ٹیوٹ آف سپیس ٹیکنالوجی، کیپٹل یونیورسٹی آف سائنس اینڈ ٹیکنالوجی، ایچ آئی ٹی ای سی یونیورسٹی ٹیکسلا، نیشنل یونیورسٹی آف سائنس اینڈ ٹیکنالوجی، نسٹ بزنس سکول، قائداعظم یونیورسٹی، انٹرنیشنل اسلامک یونیورسٹی، شفا تعمیر ملت یونیورسٹی اتے فاطمہ جناح ویمن یونیورسٹی دے طلبا بزنس پلان مقابلے اچ حصہ ڳھدا ۔ایں موقع تے خطاب کریندے ہوئیں وفاقی وزیر تعلیم و پیشہ وارانہ تربیت مدد علی سندھی آکھیے  پائیدار معاشی ترقی سانڳے تعلیمی نظام بہتر کرݨ حکومت دی اہم ترجیح اے اتے حکومت ایں تے کم کریندی پئی اے ، تعلیم ہر ٻال دا بنیادی حق اچے تے کوئی وی قوم تعلیم دے بغیر ترقی نی کریندی ، چنڳی تعلیم دے ذریعے انسانی وسائل دی ترقی حکومت دی پالیسی دا مرکزی ستون اے ۔ انہاں آکھیے جو حکومت پہلی قومی ٹیکنیکل اینڈ ووکیشنل ایجوکیشن اینڈ ٹریننگ پالیسی بݨائی اے جیں دا مقصد تربیت یافتہ تے ہنر مند افرادی قوت تیار کرتے صنعتی شعبے دی لوڑھ کوں پورا کرݨ اے۔ انہاں یونیورسٹی دے طلبا وچال بزنس پلان مقابلہ منعقد کرݨ تے چیمبر دے اقدام دی تعریف کیتی کیوں جو ایں توں طلبا کوں جدید بزنس آئیڈیاز پیش کرݨ تے کاروباری صلاحیتاں دا مظاہرہ کرݨ دا ٻہوں چنڳاں موقع ملیے ۔