اسلام آباد۔ 8 اگست (اے پی پی): وزیراعظم محمد شہباز شریف ہنگو اچ دہشت گرداں دے خلاف کارروائی دے دوران کیپٹن حمزہ اکرم دی شہادت تے افسوس کیتے۔ہفتے دے ݙینھ وزیراعظم آفس دے میڈیا ونگ توں جاری بیان دے مطابق وزیراعظم ہنگو اچ بھارتی سرپرستی اچ سرگرم فتنۃ الخوارج دے خلاف کامیاب کارروائی دے دوران کیپٹن حمزہ اکرم دی شہادت تے افسوس دا اظہار کریندیں ہوئیں کیپٹن حمزہ اکرم شہید …
وزیراعظم شہباز شریف دا ہنگو اچ دہشت گرداں دے خلاف کارروائی دے دوران کیپٹن حمزہ اکرم دی شہادت تے افسوس
مزید خبراں
اسلام آباد۔ 8 اگست (اے پی پی): وزیراعظم محمد شہباز شریف ہنگو اچ دہشت گرداں دے خلاف کارروائی دے دوران کیپٹن حمزہ اکرم دی شہادت تے افسوس کیتے۔ہفتے دے ݙینھ وزیراعظم آفس دے میڈیا ونگ توں جاری بیان دے مطابق وزیراعظم ہنگو اچ بھارتی سرپرستی اچ سرگرم فتنۃ الخوارج دے خلاف کامیاب کارروائی دے دوران کیپٹن حمزہ اکرم دی شہادت تے افسوس دا اظہار کریندیں ہوئیں کیپٹن حمزہ اکرم شہید دی بہادری، جرات تے فرض شناسی کوں خراجِ عقیدت پیش کیتا۔ وزیراعظم آکھیا جو کیپٹن حمزہ اکرم شہید بہادری نال دہشت گرداں دا مقابلہ کریندیں ہوئیں جامِ شہادت نوش کیتا۔ وزیراعظم ہنگو آپریشن اچ 7 خوارج کوں جہنم واصل کرݨ تے سکیورٹی فورسز دے جواناں کوں خراجِ تحسین پیش کیتا۔ انھاں آکھیا جو قوم آپݨے بہادر سپوتاں دی قربانیاں کوں کݙاہیں نہ بھلسی۔ وزیراعظم دعا کیتی جو اللہ تعالیٰ شہید دے درجات بلند فرماوے تے اہل خانہ کوں صبرِ جمیل عطا فرماوے۔ وزیراعظم دہشت گردی دے مکمل خاتمے تئیں فتنۃ الخوارج دے خلاف کارروائیاں جاری رکھݨ دے عزم دا اظہار کریندیں ہوئیں آکھیا جو ملک تے قوم دے دفاع تے امن و سلامتی کیتے اساݙی بہادر افواج تے قانون نافذ کرݨ آلے اداریاں دی قربانیاں رائیگاں نہ ویسن۔
