برین ڈرین کوں روکݨ کیتے پیشہ ورمہارت دے حامل لوکاں سانڳے ملازمت دے مسابقتی موقع  پیدا کرݨ ضروری اے، صدر ڈاکٹر عارف علوی

اسلام آباد۔3اکتوبر(اے پی پی) صدر مملکت ڈاکٹر عارف علوی ملک اچ ڈاکٹراں ،نرساں سودھے ہنر مند لوکاں دی لوڑھ پوری کرݨ تے زور ݙیندے ہوئیں آکھیے جو موجودہ صورت حال اچ برین ڈرین کوں روکݨ سانڳے موثر حکمت عملی دی لوڑھ اے ۔ او فاؤنڈیشن یونیورسٹی سکول آف ہیلتھ سائنسز دے شعبہ ڈینٹسٹ تے نرسنگ کانووکیشن توں خطاب کریندے پئے ہن ، انہاں آکھیے جو مسابقتی ملازمتاں دے موقع ݙیوݨ تے کم کیتے سازگار ماحول پیدا کرتے پڑھیے لکھیے اتے ہنر مند لوکاں دی ٻاہرلے ملک ونڄݨ دی تعداد گھٹائی ونڄ سڳدی اے ۔ صدر علوی آکھیے ملک آپݨے وسائل ڈاکٹراں، انجینئرز اتے ٻئے پیشہ ورلوکاں تے لاتے ، تاں جو ہنر مند انسانی سرمائے توں ایویں فیدہ نی چاسڳیے جیویں جو معیشت تے ترقیاتی نمو تے منفی اثر  پمدا رہیے ۔ انہاں آکھیے ہنر مند ڈاکٹراں دی ٻاہرلے ملک ملازمت دی لوڑھ کوں گھٹ کرݨ دا موثر طریقہ اے ہے جو انہاں کیتے ملک اندر روزگار دے بہتر موقع پیدا کیتے ونڄن۔ انہاں آکھیے پاکستان کوں صحت دی خدمات دے شعبے اچ ضرورتاں نال نبݨݨ سانڳے 9 لکھ نرساں دی لوڑھ اے ایں ویلھے اساں کنے نرساں دی تعداد 3 لکھ اے ۔ انہاں آکھیے  ایف ایس سی  (فیکلٹی آف سائنسز) پری میڈیکل دے صرف نو فیصد طالبیں کوں پاکستان دے میڈیکل کالجاں اچ داخلہ ملیا، جݙاں جو 25 فیصد  اعداد و شمار ساݙے خطے دے ملک دے ہن ۔ ایں  صورتحال کوں ھک حکمت عملی دی لوڑھ اے تاں جو زیادہ تعداد اچ طالبیں کوں ایڈجسٹ کرݨ سانڳے مزید ادارے قائم کیتے ونڄن۔