بغیر کہیں جواز دے تاخیر، رشوت خوری یا اختیارات توں ودھݨ آلیاں دی وزارت داخلہ اچ کوئی ڄاہ کائنی، سرفراز بگٹی

اسلام آباد۔5اکتوبر  (اے پی پی) نگران وزیر داخلہ سرفراز احمد بگٹی آکھیا جو بغیر کہیں جواز دے تاخیر، رشوت خوری یا اختیارات توں ودھݨ آلیاں دی وزارت داخلہ اچ کوئی ڄاہ کائنی۔ سائلین وزارت دے افسراں اتے ملازماں ولوں بغیر کہیں دیر یا رکاوٹ تے میݙے دفتر کوں ݙساون۔ او خمیس کوں وزارت داخلہ اچ آپݨے مسئلیاں دے حل کیتے آئے لوکاں نال ملاقات کریندیں ہوئیں آکھی۔ وفاقی وزیر داخلہ سائلین دے مسئلے سݨٰیے اتے متعلقہ حکام کوں موقع تے ہدایات جاری کیتی۔ انہاں آکھیا جو میݙے دفتر دے در عوام کیتے ہمیشہ کھلین۔ افسر شاہی کلچر کہیں صورت برداشت کائنی۔ اساکوں رشوت اتے سفارش دے کلچر دا رَل تے خاتمہ کرݨا پوسی۔