تعلیم دا معیار بہتر بݨائے بغیر ملک ترقی نی کرسڳدا ،مدد علی سندھی

حیدرآباد۔ 06 اکتوبر (اے پی پی):وفاقی وزیر تعلیم مدد علی سندھی آکھیے معیار تعلیم بہتر بݨائے بغیر ملک ترقی نی کرسڳدا ،بین الاقوامی درجہ بندی اچ سندھ تے بلوچستان دی کہیں یونیورسٹی دا ناں نہ ہووݨ تے افسوس اے ، انہاں آکھیے 16اکتوبر کوں اسلام آباد اچ تعلیمی معیار بہتربݨاوݨ سانڳے ھک اجلاس تھیسی 18ویں ترمیم دے بعد تعلیم صوبیں کنے ہے لیکن سکولاں دی خستہ حالت ݙیکھ تے ݙکھ تھئے ۔اے ڳالھ انہاں حیدرآباد پریس کلب اچ چاہ دی دعوت تے صحافیاں توں خطاب کریندے ہوئیں آکھی اے حیدرآباد پریس کلب پڄݨ تے پریس کلب دے صدر لالہ رحمن سموں ، جنرل سکریٹری حمید الرحمن انہاں دا خیر مقدم کیتے جݙاں جو سینئر صحافی علی حسن انہاں کوں سندھی روایتی اجرک تے ٹوپی پیش کیتی مدد علی سندھی آکھیے جو معیار تعلیم بہتر بݨائے بغیر ملک ترقی نی کرسڳدا ،اساکوں ہݨ سنجیدگی نال غور کرݨا ہوسی ملک اچ پی ایچ ڈی دا وی معیار بہتر بݨاوݨ دی لوڑھ اے بالخصوص سندھ اچ پی ایچ ڈی دی سند جاری کریندے ہوئیں قابلیت دی جانچ کرݨی ہوسی انہاں آکھیے بین الاقوامی درجہ بندی اچ پاکستان دی یونیورسٹی وی ہووݨی چاہیدی اے میکوں سندھ تے بلوچستان دی کہیں یونیورسٹی دا ناں نہ ہووݨ تے افسوس اے ۔ انہاں آکھیے ملک دی 80فیصد آبادی غریباں دی ہے جیڑھی جو نجی تعلیمی اداریں دیاں فیساں ادا نی کرسڳدے ایں سانڳے سرکاری سکولاں کوں ہر لحاظ نال بہتر تھیوݨا چاہدے ۔ انہاں آکھیے ایچ ای سی تے نسٹ دی سینڈیکٹ اچ سندھ توں کوئی نمائندگی نہ ہئی میں کراݙتی اے تاں جو اے ادارے پہلے توں ہی سندھ دیاں یونیورسٹیاں کوں فنڈز ݙیندے پئن ۔