پاکستان اقلیتاں کوں برابر دے حقوق ݙیندے،خوشحال معاشرے دے قیام سانڳے بین المذاہب ہم آہنگی دا ودھارا ناگزیر اے،وفاقی وزیرمذہبی امورانیق احمد

پشاور۔ 07 اکتوبر (اے پی پی) نگران وفاقی وزیر مذہبی امور تے بین المذاہب ہم آہنگی  انیق احمد آکھیے پاکستان اچ مکمل مذہبی آزادی اے اتے سارے مکاتب فکر دے پیروکار اپݨے عقیدے مطابق مذہبی فرائض نبھاوݨ اچ آزاد ہن ، اسلام امن، بھرپی دا مذہب اےجیڑھا خونریزی، انتہا پسندی اتے دہشت گردی کوں سختی نال روکیندے ، اے ڳالھ انہاں مقامی ہوٹل اچ بین المذاہب ہم آہنگی کانفرنس توں خطاب کریندے ہوئیں آکھی ، کانفرنس اچ نگران صوبائی وزیر مذہبی امور جسٹس (ر) ارشد حسین، خطیب مسجد محبت خان طیب قریشی اتے مختلف مذاہب ہندو، سکھ، عیسائی اتے ٻئے رہنماواں تے سکالرز شرکت کیتی۔وفاقی وزیر انیق احمد آکھیے اے کانفرنس ٻہوں اہمیت رکھیندے اے جتھاں مختلف مکاتب فکر دے نمائندے اتے قائدین ، امن، رواداری اتے لوکاں دے مفاد سانڳے تعاون بارے  وسیع تر افہام و تفہیم کوں ودھارا ݙیوݨ سانڳے کٹھے تھئن۔