وزیر خارجہ دا ای سی او وزراء کونسل دے 27ویں اجلاس اچ شرکت کیتے آذربائیجان دے شہر شوشا دا دورہ، ترجمان دفتر خارجہ

اسلام آباد۔7اکتوبر(اے پی پی) وزیر خارجہ جلیل عباس جیلانی 9 توں 10 اکتوبر 2023 تئیں آذربائیجان دے شہر سوشااچ تھیوݨ آلے اقتصادی تعاون تنظیم (ای سی او) دے وزرا دی کونسل دے 27ویں اجلاس اچ شرکت کیتے آذربائیجان دا سرکاری دورہ کریسن ۔ ترجمان دفتر خارجہ دی طرفوں ہفتے کوں جاری تفصیلات موجب ایں موقع تے وزیر خارجہ  جلیل عباس جیلانی کونسل آف منسٹرز (سی او ایم) توں خطاب کریسن تے تقریب دے موقع تے رکن ملکاں دے وزراء اتے ٻئے معززین نال ݙو پاسے ملاقاتاں وی کریسن ای سی او دے پالیسی سازی فورم دے طور تے، وزراء دی کونسل تنظیم دے فیصلیں تے سالانہ ورک پلان دی منظوری ݙیندی اے۔ 27ویں سی او ایم اچ ، رکن ملکاں تجارتی اتے اقتصادی تعاون اتے سماجی، ثقافتی، تکنیکی تے سائنسی شعبیں اچ سانجھے تعاون دے ذریعے ای سی او خطے دی پائیدار اقتصادی ترقی دے ودھارے تے ڳالھ مہاڑ کریسن۔