آزاد کشمیر تے خیبر پختونخوااچ  18سال پہلے زلزلے دی صورت اچ  ہولناک واقعہ پیش آیا ،88000 اموات،5 لکھ توں ودھ گھر تباہ تھئے

اسلام آباد۔8اکتوبر(اے پی پی) آزاد کشمیر دے مختلف ضلعیں دے علاوہ خیبر پختونخوا دے ٻہوں سارے علاقیں اچ اڄ توں 18سال پہلے 8اکتوبر2005 دی سویل 8وڄ تے 52منٹ تے زلزلے دی صورت اچ ہولناک واقعہ پیش آیا،ریکٹر سکیل تے ایں زلزلے دی شدت 7.6 ہئی جیں آزاد کشمیر دے مختلف ضلعیں دے علاوہ خیبر پختونخوا دے علاقیں کوں وی ٻہوں بری طرح متاثر کیتا۔ایں زلزلے دے فوری اثرات 30لکھ افراد دے بے گھر تھیوݨ تے ابتدائی تخمینے موجب 88000 اموات دی صورت اچ سامݨے آئے ۔ ھک سوہݨا شہر بالاکوٹ جیڑھا دریائے کنہار دے کنارے موجود اے، مکمل طور تے تباہ تھی ڳیا ،کئی سکول مکمل طور تے قبرستاناں اچ بدل گئے۔ ایویں آزاد کشمیر اچ مظفر آباد توں گھن تے باغ، راولا کوٹ اتے کئی ݙوجھے علاقیں اچ تباہی دے ایجھے دلدوز مناظر ہن جو انہاں کوں ݙیکھݨ دی تاب کہیں اچ نہ ہئی ۔ھک اندازے موجب 12000 طلبا تے طالبات اتے 1500 توں ودھ استاد زلزلے اچ زندہ درگور تھی ڳئے ۔