دین اسلام انسانیت دی فلاح دا مذہب اے،  مشعال ملک

راولپنڈی۔8اکتوبر  (اے پی پی):نگران وزیر اعظم دی معاون خصوصی انسانی حقوق مشعال حسین ملک آکھیے دین اسلام انسانیت دی فلاح دا مذہب اے، برصغیر پاک و ہند اچ اسلام دی اشاعت کیتے اولیاء کرام و مشائخ عظام دی لازوال قربانیاں ہن، پیر موہڑہ شریف کشمیر اچ امن و محبت دا پیغام کھنڈایا ، اتوار کوں دربار موہڑہ شریف دے سالانہ عرس اچ تریمت سیشن توں خطاب کریندے ہوئیں انہاں آکھیے جو دین اسلام انسانیت دی فلاح دا مذہب اے، اسلام اپݨے منݨ آلیں کوں ھک ݙوجھے نال اخوت، ہمدردی، ایثار، قربانی اتے محبت دا حکم ݙیندے ، انہاں آکھیے برصغیر پاک و ہند اچ اسلام دی اشاعت کیتے اولیاء کرام تے مشائخ عظام دی لازوال قربانیاں ہن، موہڑہ شریف اسلام اتے انسانیت کیتے ٻہوں کم کیتے ، اپݨی خواہشاں کوں مکا تے اللہ نال رشتہ جوڑݨ اولیاء کرام دا اعزاز اے، مقبوضہ جموں کشمیر نال موہڑہ شریف دا گھاٹا تعلق اے ، پیر موہڑہ شریف کشمیر اچ اسلام دی خدمت، امن و محبت دا پیغام کھنڈایا ۔