سی پیک کوں ݙاہ سال مکمل، سی پیک دے تحت ہݨ تئیں 31 منصوبے مکمل کیتے ڳئن، سمیع سعید

اسلام آباد۔12اکتوبر(اے پی پی)نگران وفاقی وزیر منصوبہ بندی، ترقی ، اصلاحات و خصوصی اقدامات  سمیع سعید آکھیے سی پیک کوں ݙاہ سال تھی ڳئن ، ہݨ تئیں سی پیک دے تحت 31 مختلف منصوبے مکمل کیتے ڳئن، انہاں منصوبیں تے 32 ارب ڈالر دی سرمایہ کاری تھئی ،اے ڳالھ انہاں منعقدہ تقریب توں خطاب کریندے ہوئیں آکھی اے ۔ نگران وزیر منصوبہ بندی آکھیے سی پیک کوں ݙاہ سال تھی ڳئن جیں دوران ٻہوں سارے منصوبے کامیابی نال مکمل کیتے ڳئن ۔وزیر اعظم پاکستان آندے ہفتے بیجنگ اچ تھیوݨ آلی بی آر آئی کانفرنس اچ سی پیک متعلق وزرا اتے حکام دے رلے شرکت کریسن ۔ انہاں آکھیے جو قائد اعظم یونیورسٹی اچ معدنیات اتے قدرتی وسائل تے تحقیق سانڳے جدید ارتھ سینٹر بݨایا ڳئے ۔ اے سنٹر چین دے تعاون نال معدنیات دے شعبے کوں جدید بݨاوݨ تے قیمتی وسائل ڳولݨ سانڳے کم کریسی ۔ بی آر آئی اقدام اکویویں صدی اچ معیشتاں کوں جوڑݨ تے قوماں وچال اشتراک عمل دے ذریعے خوشحالی دا اہم قدم اے ۔ وفاقی وزیر آکھیے میکوں خوشی تھئی اے جو پاکستان اچ ھک مہینہ پہلے تعینات تھیوݨ آلے چینی سفیر دی سی پیک تے جھِکی نظر تے معلومات میں توں ودھ ہن ۔ ݙوہیں ملکاں وچال تکڑے تے پراݨے تعلقات ہن ۔