ڈان دی خبر کوڑی اتے غلط اے، کہیں وی ووٹر دا اندراج اوندے شناختی کارڈ دے مطابق مستقل یا موجودہ پتے تے کیتا ویندے، الیکشن کمیشن

اسلام آباد۔13اکتوبر  (اے پی پی) الیکشن کمیشن 13 اکتوبر 2023 کوں ڈان  نیوز دی چھپی خبر کوں کوڑا اتے بے بنیاد آکھدیں ہوئیں آکھیا جو کہیں وی ووٹر دا اندراج اوندے شناختی کارڈ دے مطابق مستقل یا موجودہ پتے تے کیتا ویندے جئیں دا آبادی دے اعدادوشمار نال کوئی تعلق کائنی۔ جمعے کوں جاری بیان موجب الیکشن کمیشن دا ڈیٹا اے نشابر کریندے جو 13 ملین لوک آپݨا حق رائے دہی استعمال نہ کر سڳسن۔ الیکشن کمیشن واضح کریندے جو زیر دفعہ 27 الیکشن ایکٹ  2017  کہیں وی ووٹر دا اندراج اوندے شناختی کارڈ دے مطابق مستقل یا اڄوکے پتے تے کیتا ویندے جئیں دا آبادی دے اعدادوشمار نال کوئی تعلق نئی۔ مردم شماری کہیں وی بندے دی ذاتی موجودگی تے کیتی ویندی اے جڈانجو ووٹر دا اندراج شناختی کارڈ تے پتے دے مطابق تھیندے۔ الیکشن کمیشن سارے اہل بندیاں دے ووٹ دے اندراج کوں یقینی ٻݨاوݨ کیتے انتخابی فہرستاں کوں 23 ستمبر 2023 توں غیر  منجمد  (De-freeze)  کیتا ۃئے جیڑھا جو  زیر دفعہ  39 الیکشنز  ایکٹ 2017 مورخہ 20 جولائی   کوں منجمد کیتی ڳئی ہئی۔