حکومت متاثرہ علاقیاں دی فلاح و بہبود اتے پائیدار ترقی کیتے پرعزم اے ،نگران وفاقی وزیر محمد سمیع سعید

اسلام آباد۔13اکتوبر  (اے پی پی) نگران وفاقی وزیر برائے منصوبہ بندی ترقی تے خصوصی اقدامات محمد سمیع سعید آکھیا جو حکومت ڈونر ایجنسیاں کوں جاری تعاون، متاثرہ علاقیاں دی فلاح و بہبود اتے پائیدار ترقی کیتے پرعزم اے۔اے ڳالھیں انہاں جمعے کوں آپݨی صدارت چھل دے بعد متاثرہ علاقیاں دی بحالی اتے تعمیر نو فریم ورک دے کماں بارے پالیسی اینڈ سٹریٹیجی کمیٹی بورڈ دے ݙوجھے اجلاس توں خطاب کریندیں ہوئیں آکھی۔ اجلاس اچ گلگت بلتستان دے وزیر منصوبہ بندی، سیکرٹری وزارت منصوبہ بندی،  سیکرٹری ای اے ڈی، چیف سیکرٹری گلگت بلتستان، کنٹری ڈائریکٹر ورلڈ بینک، کنٹری ڈائریکٹر ایشیائی ترقیاتی بینک، کنٹری ڈائریکٹر یورپی یونین اسلام آباد، ڈپٹی ریذیڈنٹ ڈائریکٹر یو این ڈی پی سودھے اعلیٰ حکام شریک تھیے۔ اجلاس اچ   وزیراعلیٰ بلوچستان اتے سارے صوبیاں دے سیکرٹریز ویڈیو کانفرنس توں شریک تھیے۔ اجلاس اچ منصوبیاں دے نفاذ اتے صوبیاں توں منظور تھئے منصوبیاں دا جائزہ ڳھدا ڳئیا۔