اسلام آباد۔15اکتوبر (اے پی پی) نگران وفاقی وزیر اطلاعات تے نشریات مرتضیٰ سولنگی آکھیا جو سی پیک لکھاں پاکستانیاں دی زندگیاں تے مثبت اثرات چھوڑین، سی پیک پاکستان اتے چین وچال سٹریٹجک تعاون دی علامت اے۔ سی پیک نال نہ صرف چین اتے پاکستان بلکہ ایران، افغانستان، وسطی ایشیاءسودھے پورے خطے تے مثبت اثرات پوسن۔ اے ڳالھیں انہاں گزریل ݙینھ ”سی پیک اینڈ مائی لائف“ دے موضوع تے تھیوݨ آلےسیمینار …
سی پیک لکھاں پاکستانیاں دی زندگیاں تے مثبت اثرات چھوڑین، سی پیک پاکستان اتے چین وچال سٹریٹجک تعاون دی علامت اے، نگران وفاقی وزیر اطلاعات مرتضیٰ سولنگی، سیکرٹری خارجہ اتے چینی سفیر دا سیمینار توں خطاب
مزید خبراں
اسلام آباد۔15اکتوبر (اے پی پی) نگران وفاقی وزیر اطلاعات تے نشریات مرتضیٰ سولنگی آکھیا جو سی پیک لکھاں پاکستانیاں دی زندگیاں تے مثبت اثرات چھوڑین، سی پیک پاکستان اتے چین وچال سٹریٹجک تعاون دی علامت اے۔ سی پیک نال نہ صرف چین اتے پاکستان بلکہ ایران، افغانستان، وسطی ایشیاءسودھے پورے خطے تے مثبت اثرات پوسن۔ اے ڳالھیں انہاں گزریل ݙینھ ”سی پیک اینڈ مائی لائف“ دے موضوع تے تھیوݨ آلےسیمینار توں خطاب کریندیں ہوئیں آکھی۔ نگران وفاقی وزیر اطلاعات آکھیا جو نگران وزیراعظم انوار الحق کاکڑ بیلٹ اینڈ روڈ فورم اچ شریک تھیوݨ کیتے چین ویندے پئن۔ پاکستان اتے چین دی اعلیٰ قیادت اچ تھیوݨ آلے رابطے ݙوپاسہ تعلقات کوں ٻیا اُتے ڳھن ویسن۔ سیمینار توں خطاب کریندیں ہوئیں سیکریٹری خارجہ سائرس قاضی آکھیا جو چین پاکستان اقتصادی راہداری (سی پیک) صدر شی دے بیلٹ اینڈ روڈ انیشیٹیو (بی آر آئی) دے فلیگ شپ منصوبے دے طور پاکستان اتے چین وچال سٹریٹجک تعاون دی علامت اے۔ سیمینار توں پاکستان اچ چین دے سفیر جیانگ ژی ڈونگ وی خطاب کیتا اتے پاکستان نال سانجھے داری اچ سی پیک دے فروغ کیتے آپݨے ملک دی تیاریاں بارے ݙسیا۔ چین دے سفیر آکھیا جو اساں آندے ݙاہ سالیں اچ سی پیک دے منصوبیاں کوں ٻیا فروغ ݙیوݨ کیتے پاکستان دی عوام نال رل تے کم کرݨ کیتے تیار ہیسے ۔
