پاکستان کوں غزہ اچ جاری تشدد اتے جانی ضیان تے تشویش اے، غزہ اچ فوری جنگ بندی اتے محاصرہ ختم کرݨ دا مطالبہ کریندوں، نگران وزیر اعظم انوار الحق کاکڑ

اسلام آباد۔16اکتوبر (اے پی پی) نگران وزیر اعظم انوار الحق کاکڑ آکھیا جو پاکستان کوں غزہ اچ جاری تشدد اتے جانی ضیان تے تشویش اے، غزہ اچ فوری جنگ بندی اتے محاصرہ ختم کرݨ دا مطالبہ کریندوں۔ سنوار کوں وزیراعظم آفس توں جاری ٹویٹ موجب نگران وزیراعظم آکھیا جو اسرائیل دا غزہ اچ شہریاں کوں ڄاݨ ٻجھ تے غیر متناسب نشانہ ٻݨاوݨ تہذیب دے سارے اصولاں دے خلاف اتے بین الاقوامی قوانین دی کھلی خلاف ورزی اے۔ انہاں آکھیا جو تشدد دے خاتمے کوں فلسطینی سرزمین تے سالیں دے جبری اتے غیر قانونی قبضے اتے اوندی عوام دے خلاف جابرانہ پالیسیاں اچ ݙیکھݨ دی لوڑھ اے۔ پاکستان کوں غزہ اچ جاری تشدد اتے جانی ضیان تے تشویش اے، غزہ اچ فوری جنگ بندی اتے محاصرہ ختم کرݨ دا مطالبہ کریندوں۔