صدر مملکت دا قائد ملت لیاقت علی خان شہید کوں انہاں دی 72 ویں برسی تے خراج عقیدت

اسلام آباد۔16اکتوبر (اے پی پی) صدر مملکت ڈاکٹر عارف علوی قائد ملت لیاقت علی خان شہید کوں قوم کیتے انہاں دے خدمات تے زبردست خراج عقیدت پیش کریندیں ہوئیں آکھیا جو اے ݙینھ اساکوں پاکستان دی آزادی اتے اوندی عوام دی فلاح تے بہبود کیتے قائد ملت دے عزم دی یاد ݙویندے۔ سنوار کوں ایوان صدر پریس ونگ توں جاری بیان موجب قائد ملت دی 72 ویں برسی دے موقع تے آپݨے سنیھے اچ انہاں آکھیا جو لیاقت علی خان جدوجہد آزادی اچ بانی پاکستان قائدِ اعظم محمد علی جناح دے نال کھڑیے رہیے اتے انہاں کوں قوم دی تقدید بدلݨ اچ اہم کردار ادا کیتے۔ صدر آکھیا جو لیاقت علی خان پاکستان دے پہلے وزیر اعظم دے طور خدمات ݙتی۔ صدر مملکت دعا کیتی جو اللہ تعالیٰ قائد ملت کوں جنت الفردوس اچ ڄاہ ݙیوے۔