اسلام آباد۔18اکتوبر(اے پی پی) سپیکر قومی اسمبلی راجہ پرویز اشرف غزہ دے ہسپتال تے اسرائیل دی طرفوں بمباری دی شدید مذمت کریندے ہوئیں بمباری دے نتیجے اچ 500 توں ودھ نہتے شہریاں دی شہادت تے ݙکھ تے افسوس کیتے ۔ آپݨے ھک مذمتی بیان اچ انہاں آکھیے اسرائیل طاقت دے نشے اچ فلسطینیاں دی نسل کشی دا سلسلہ وختی بند کرے ، پاکستان دی پارلیمان تے عوام عالمی برادری …
سپیکر قومی اسمبلی راجہ پرویز اشرف دی غزہ دے ہسپتال تے اسرائیل دی بمباری دی شدید مذمت
مزید خبراں
اسلام آباد۔18اکتوبر(اے پی پی) سپیکر قومی اسمبلی راجہ پرویز اشرف غزہ دے ہسپتال تے اسرائیل دی طرفوں بمباری دی شدید مذمت کریندے ہوئیں بمباری دے نتیجے اچ 500 توں ودھ نہتے شہریاں دی شہادت تے ݙکھ تے افسوس کیتے ۔ آپݨے ھک مذمتی بیان اچ انہاں آکھیے اسرائیل طاقت دے نشے اچ فلسطینیاں دی نسل کشی دا سلسلہ وختی بند کرے ، پاکستان دی پارلیمان تے عوام عالمی برادری توں پرزور اپیل کریندن جو وختی مداخلت کرتے اسرائیل کوں ایجھے ظالمانہ تے وحشیانہ اقدامات توں روکیا ونڄے انہاں آکھیے اسرائیل طاقت دے نشے اچ انسانیت سوز ظلم تے جنگی جرائم دا مرتکب تھیندا پئے ،اسرائیل دا غزہ دے ہسپتال تے حملہ ناقابلِ قبول اے ۔سپیکرقومی اسمبلی آکھیے نشوم ٻالاں ، تریمتاں تے بزرگاں تے اسرائیل دی بمباری غیر انسانی اتے غیر قانونی اے ،فلسطین اچ اسرائیلی فورسز دی طرفوں بمباری نال ہزاراں نہتے شہری نشانہ بݨ چکئن ۔ انہاں آکھیے اسرائیل وختی غزہ دی ناکہ بندی ختم کرتے خوراک اتے دوائیں دی ترسیل یقینی بݨاوے ،پاکستان دی طرفوں فلسطینی بھیݨ بھراویں کیتے امداد دا اعلان جیں اچ راشن اتے ضرورت دیان چیزاں ہن خوش آئند اے ۔ انہاں دعا کیتی جو اللّٰہ تعالیٰ فلسطینی شہداء دے درجات بلند فرماوے اتے زخمیاں کون وختی صحت تے تندرستی عطا فرماوے۔
