پاکستان آپݨے ڈیٹرنس کوں تکڑا بݨاوݨ سانڳے ابابیل ویپن سسٹم دا کامیاب تجربہ کیتے،  آئی ایس پی آر

راولپنڈی۔18اکتوبر(اے پی پی) پاکستان ہتھیاراں دے نظام ابابیل ویپن سسٹم دا کامیاب تجربہ کیتے،میزائل سسٹم دے تجربے دا مقصد اپݨے ڈیٹرنس کوں تکڑا بݨاوݨ اے ۔ آئی ایس پی آرموجب تجربے دا مقصد مختلف ڈیزائن، تکنیکی پیرامیٹرز اتے ہتھیاراں دے نظام دے مختلف ذیلی نظاماں دی کارکردگی دا جائزہ گھنݨا ہئی ۔میزائل سسٹم دا مقصد ڈیٹرنس کوں تکڑا بݨاوݨ تے فل اسپیکٹرم ڈیٹرنس دی آپریشنلائزیشن دے ذریعے خطے اچ اسٹریٹجک استحکام کوں ودھاوݨا اے ۔ چیئرمین جوائنٹ چیفس آف سٹاف کمیٹی جنرل ساحر شمشاد مرزا، سٹریٹجک پلانز ڈویژن اتے سٹریٹجک فورسز کمانڈ دے سینئر افسران، سٹریٹجک اداریں دے سائنسداناں اتے انجینئرز کامیاب تجربے دا مشاہدہ کیتے۔ چیئرمین جوائنٹ چیفس آف سٹاف کمیٹی ایں کامیاب تجربے اچ تکنیکی صلاحیت، لگن اتے عزم دی تعریف کیتی ۔ صدرمملکت، وزیراعظم  اتے سروسز چیفس وی ایں کامیابی تے سٹریٹجک فورسز دے سارے ارکان کوں مبارخ ݙتی اے ۔