ارومچی۔20اکتوبر (اے پی پی) نگران وزیراعظم انوار الحق کاکڑ چین دے خود مختار صوبہ سنکیانگ دے دارالحکومت ارومچی دے دورے اچ سنکیانگ یونیورسٹی ڳئے جتھ انہاں کوں سکالرز، محققین، ماہرین تعلیم، فیکلٹی ممبران اتے طلبا دے ہک وݙے کٹھ نال خطاب کیتا۔ یونیورسٹی پڄݨ تے سنکیانگ یونیورسٹی دے صدر یاؤ کیانگ اتے اکیڈمیا دے اراکین وزیراعظم دا استقبال کیتا۔ وزیراعظم آپݨے خطاب اچ آکھیا جو انہاں دا سنکیانگ دا دورہ …
نگران وزیراعظم دا ارومچی اچ سنکیانگ یونیورسٹی دا دورہ اتے خطاب، انہاں کوں سنکیانگ یونیورسٹی دی تاریخ بارے بریفنگ وی ݙتی ڳئی
مزید خبراں
ارومچی۔20اکتوبر (اے پی پی) نگران وزیراعظم انوار الحق کاکڑ چین دے خود مختار صوبہ سنکیانگ دے دارالحکومت ارومچی دے دورے اچ سنکیانگ یونیورسٹی ڳئے جتھ انہاں کوں سکالرز، محققین، ماہرین تعلیم، فیکلٹی ممبران اتے طلبا دے ہک وݙے کٹھ نال خطاب کیتا۔ یونیورسٹی پڄݨ تے سنکیانگ یونیورسٹی دے صدر یاؤ کیانگ اتے اکیڈمیا دے اراکین وزیراعظم دا استقبال کیتا۔ وزیراعظم آپݨے خطاب اچ آکھیا جو انہاں دا سنکیانگ دا دورہ پاکستان اتے چین وچال پائیدار تعلقات اچ سنگ میل کوں نشابر کریندے۔ انہاں آپسی تعاون، خوشحالی اتے ترقی کیتے پاکستان اتے چین دے ہر طرح دے ویلھے اتے حالات اچ تعاون کوں مضبوط ٻݨاوݨ دی پکاوت کیتی۔ نگران وزیر اعظم چین پاکستان اقتصادی راہداری بارے سنکیانگ دی اہمیت کوں اجاگر کریندیں ہوئیں قدیم شاہراہ ریشم توں سنکیانگ نال تاریخی رابطے دا ذکر کیتا۔
